9

🌄।। अथ नवमोऽध्यायः ।।✏

🌄श्रीभगवानुवाच✏
🌄अर्थात:-भगवानले भन्नुभयो✏
🌄इदं तु ते गुह्यतमं प्रवक्ष्याम्यनसूयवे ।
ज्ञानं विज्ञानसहितं यज्ज्ञात्वा मोक्ष्यसेऽशुभात् ✏
🔥(श्रीमद्भागवत गीता अध्याय ९/१)✒

🌄अर्थात:-दोष दृष्टिरहित भएको भक्तको लागि यस परम गोपनीय ज्ञान विज्ञानसहित को सत्य ज्ञानलाई म पुनः बिस्तार पुर्बक भन्छु, जून ज्ञानद्वारा कर्मगर्ने मनुष्य जन्म मरणको चक्र रूपमा रहेको दुःख रूपी संसारबाट मुक्त हुन्छ✏










🌄राजविद्या राजगुह्यं पवित्रमिदमुत्तमम् ।
प्रत्यक्षावगमं धर्म्यं सुसुखं कर्तुमव्ययम् ।।✏
🔥(श्रीमद्भागवत गीता अध्याय ९/२)✒

🌄अर्थात:-यो ज्ञान विज्ञान सहितको ज्ञान, सम्पुर्ण विद्याको बिद्या, सम्पुर्ण ज्ञानको महाज्ञान, सम्पुर्ण रहस्यको महारहस्य, अति पवित्र, अति उत्तम, प्रत्यक्ष कर्मफल प्राप्त हुने, धर्मयुक्त साधन तथा कर्म गर्ने सरल तथा सुगम र अविनाशी ज्ञान हो✏










🌄अश्रद्दधानाः पुरुषा धर्मस्यास्य परंतप ।
अप्राप्य मां निवर्तन्ते मृत्युसंसारवर्त्मनि ।।✏
🔥(श्रीमद्भागवत गीता अध्याय ९/३)✒

🌄अर्थात:-हे परंतप ! यस सृस्टिमा उपर्युक्त धर्ममा रहेर जून मनुषयले श्रद्धारहित भएको कारण म बासुदेब श्रीकृष्णलाई प्राप्त गरेको छैन त्यस कारणले त्यस मनुष्य जन्म मृत्यु रूपी शरीर-संसारको चक्रमा भ्रमण गरिरहेको हुन्छ✏







🌄मया ततमिदं सर्व जगदव्यक्तमूर्तिना।
मत्स्थानि सर्वभूतानि न चाहं तेष्ववस्थितः।। ✏
🔥(श्रीमद्भागवत गीता अध्याय ९/४)✒

🌄अर्थात:-म निराकार परमात्माद्वारा नै यस सम्पुर्ण जगत जलद्वारा बर्फ जस्तै सदृश र परिपूर्ण रहेको छ र सबै "अखिल ब्रह्माण्ड को अवायव" अर्थात "भूत" मेरो अन्तर्गत संकल्पको आधारमा स्थित रहेको छ, तर यी सबै भूत अवयवमा वास्तवमा ति सबैमा म स्थित रहेको हुदैन तर ति सबै भूत म मा स्थित रहेको हुन्छ✏







🌄न च मत्स्थानि भूतानि पश्य मे योगमैश्वरम् ।
भूतभृन्न च भूतस्थो ममात्मा भूतभावनः।। ✏
🔥(श्रीमद्भागवत गीता अध्याय ९/५)✒

🌄अर्थात:-सृष्टिको सबै (अखिल ब्रह्माण्डको अवायव) भूत मद्वारा नै सञ्चालित रहेको छ ति सबै भूतमा म छू तर ति सबै भूतमा म स्थित छैन, तर मेरो ईश्वरीय योगशक्तिको कारण ति सबै भूतको धारण-पोषण गर्ने र सम्पुर्ण भूतको उत्पन्न गर्ने पनि म नै हो तर मेरो शक्तिबिग्रह सबै भूतमा स्थित रहेको छ तर सबै भूतमा म स्थित छैन✏







🌄यथाकाशस्थितो नित्यं वायुः सर्वत्रगो महान् ।
तथा सर्वाणि भूतानि मत्स्थानीत्युपधारय ।। ✏
🔥(श्रीमद्भागवत गीता अध्याय ९/६)✒

🌄अर्थात:-जसरी आकाशद्वारा उत्पन्न सर्वत्र विचरण गर्ने महान वायु सधै आकाशमा नै स्थित रहेको हुन्छ, ठीक त्यस्तै गरी मेरो संकल्पद्वारा उत्पन्न भएको सम्पुर्ण अवायव अर्थात भूत म मा नै स्थित रहेको हुन्छ✏





🌄सर्वभूतानि कौन्तेय प्रकृतिं यान्ति मामिकाम् ।
कल्पक्षये पुनस्तानि कल्पादौ विसृजाम्यहम्।। ✏
🔥(श्रीमद्भागवत गीता अध्याय ९/७)✒

🌄अर्थात:-हे अर्जुन ! कल्पको अन्त्यमा सबै भूत मेरो प्रकृतिलाई प्राप्त गरेको हुन्छ अर्थात् सम्पुर्ण भूत कल्पको अन्त्यमा प्रकृतिमा नै लय हुन पुग्छन र कल्पको आदिमा ति सम्पुर्ण भूतलाई मद्वारा नै फेरी रचना हुनेगर्छ अर्थात म नै रचनाकार हु✏







🌄प्रकृतिं स्वामवष्टभ्य विसृजामि पुनः पुनः।
भूतग्राममिमं कृत्स्नमवशं प्रकृतेर्वशात्।।✏
🔥(श्रीमद्भागवत गीता अध्याय ९/८)✒

🌄अर्थात:-आफ्नो प्रकृतिको गुण अनुसारको कार्यलाई अंगीकार गरेर स्वभावको अनुसार आफ्नो बलबाट परतन्त्र भएको यस सम्पूर्ण अवायव अर्थात भूत समुदायलाई मैले पटक पटक तिनिहरुको कर्मको आधारमा कर्मफललाई प्रदान गरेको हुन्छु✏








🌄न च मां तानि कर्माणि निबध्नन्ति धनंजय ।
उदासीनवदासीनमसक्तं तेषु कर्मसु ।।✏
🔥(श्रीमद्भागवत गीता अध्याय ९/९)✒

🌄अर्थात:-हे अर्जुन ! सम्पुर्ण कर्महरुमा आसक्ति रहित अर्थात निराशाक्त हुने ईश्वरलाई शरीर-संसारको उदासीनको सदृश स्थित भएका ति सम्पुर्ण गुणहरु तथा प्राकृतिक नियमले परमात्मालाई ति कर्म र कर्मफलको बन्धनले कहिले पनि आफ्नो अधिनमा राखेको हुदैन किनकी कर्म कर्मफलको बिधाता परमात्मा हो र त्यो परमात्मा म नै हो✏







🌄मयाध्यक्षेण प्रकृतिः सूयते सचराचरम् ।
हेतुनानेन कौन्तेय जगद्विपरिवर्तते ।।✏
🔥(श्रीमद्भागवत गीता अध्याय ९/१०)✒

🌄अर्थात:-हे अर्जुन ! म सम्पुर्ण जगतको अधिष्ठाता हु र सृस्टि संरचनाको सम्पुर्ण नियम, प्रकृति चराचर जगत सहित सर्व जगतको रचना त्यही नियम अनुसार गर्दछु र जो मद्वारा निर्मित नियम छ म त्यहि नियम अनुसार नै सृष्टि म द्वारा नै सञ्चालित हुन्छ त्यही म द्वारा निर्मित नियमद्वारा नै सृष्टि संरचना हुन्छ तथा सृस्टि लय पनि हुन्छ । यो सम्पुर्ण नियम मैले चलाएको छू त्यही मेरो निगमद्वारा नै यो सम्पूर्ण संसार चक्र आफ्नो धुरीमा घुमीरहेको छ✏








🌄अवजानन्ति मां मूढा मानुषीं तनुमाश्रितम् ।
परं भावमजानन्तो मम भूतमहेश्वरम् ।।✏
🔥(श्रीमद्भागवत गीता अध्याय ९/११)✒

🌄अर्थात:-मेरो सत्य र परम भावलाई जो मनुष्यले जानेको छैन त्यो ब्यक्ति मूर्ख र मूढ़ ब्यक्ति हो । त्यस्तो मूर्ख र मूढ़ मनुष्यले मलाई जन्म मरण र शरीर धारण गर्ने प्राणीको सदृश्य सोच्ने गरेका हुन्छन र अखिल ब्रह्माण्डको सम्पुर्ण सृष्टि सञ्चालन गर्ने म सम्पूर्ण भूतको पनि महान ईश्वरलाई सानो र तुच्छ भन्ने गरेका हुन्छन अर्थात् म आफ्नो योगमायालाई आफ्नो नियन्त्रणमा राखेर सम्पुर्ण प्राणी र संसारको उद्धारको लागि मनुष्य रूपमा आएको तथा अबतारण भएको रहेको हुन्छु त्यसैले मूर्ख ब्यक्तिले म परमेश्वरलाई साधारण मनुष्य जस्तै जन्मेको हो भन्ने गरेका हुन्छन✏









🌄मोघाशा मोघकर्माणो मोघज्ञाना विचेतसः।
राक्षसीमासुरीं चैव प्रकृतिं मोहिनीं श्रिताः।। ✏
🔥(श्रीमद्भागवत गीता अध्याय ९/१२)✒

🌄अर्थात:- जसले मलाई साधारण मनुष्य भन्ने गरेका छन । तिनिहरुले कहिले पनि सत्य ज्ञान प्राप्त गर्न सक्दैन मलाइ नजान्ने मनुष्यको अन्य सम्पूर्ण ज्ञान व्यर्थ, अन्य आशा व्यर्थ, अन्य कर्म व्यर्थ, विक्षिप्तचित्त, अज्ञानीजन, राक्षसी, आसुरी हुन । मलाइ नजान्ने सबैको गुणलाई मोहिनी रूप प्रकृति ले हरण गरेको हुन्छ जसको कारणले ति सबै मनुष्यले प्रकृतिकलाई नै सत्य मानेका हुन्छन र त्यही प्रकृतिकको अधीनमा रहेको तीन गुणलाई आफुमा धारण गरेको हुन्छ✏









🌄महात्मानस्तु मां पार्थ दैवीं प्रकृतिमाश्रिताः ।
भजन्त्यनन्यमनसो ज्ञात्वा भूतादिमव्ययम् ।।✏
🔥(श्रीमद्भागवत गीता अध्याय ९/१३)✒

🌄अर्थात:- परन्तु हे कुन्तीपुत्र ! जून महात्माले मलाइ जान्यो ति सबै महापुरुषहरु दैवी प्रकृतिमा आश्रित भएको भए पनि मलाई नै सबै भूतको अवयव तथा सनातन कारण र नाश नाडीरहित अक्षर स्वरूप जानेर अनन्य भक्ति भावले युक्त भएर निरन्तर मलाई पुकार गरेको हुन्छ✏











🌄सततं कीर्तयन्तो मां यतन्तश्च दृढव्रताः ।
नमस्यन्तश्च मां भक्तया नित्ययुक्ता उपासते ।। ✏
🔥(श्रीमद्भागवत गीता अध्याय ९/१४)✒

🌄अर्थात:-जो दृढ़ निश्चय भएको भक्तजन निरन्तर मेरो नाम र गुणको बारेमा जानेको हुन्छ र मेरो कार्य अनुसार मेरो स्मरण गरेका हुन्छन तथा मलाई प्राप्ति गर्ने उद्देश्यलाई लिएर सधै मेरो लक्ष्य, चिन्तन र मनन गरेर मलाइ नै प्राप्त गर्ने सरल निराशाक्त मिहिनेत तथा यत्न गर्दै र मलाई नै पटक पटक स्मरण प्रणाम गर्दै सधै मेरो ध्यान मेरो स्मरणमा युक्त भएर अनन्य प्रेमद्वारा नै मेरो उपासना गरेका हुन्छन✏











🌄ज्ञानयज्ञेन चाप्यन्ये यजन्तो मामुपासते ।
एकत्वेन पृथक्तवेन बहुधा विश्वतोमुखम् ।। ✏
🔥(श्रीमद्भागवत गीता अध्याय ९/१५)✒

🌄अर्थात:-अन्य मेरो भक्तहरु अर्थात ज्ञानीयोगीजनले मलाई निर्गुण-निराकार ब्रह्मलाई ज्ञानयज्ञद्वारा अभिन्नभाव द्वारा भक्ति उपासना गर्दै मेरो नै उपासना गरेका हुन्छन र अन्य मनुष्य अनेक तरिकाले अनेक विविधताले र अनेक प्रकार स्थित म विराटस्वरूप र सर्बाधार परमेश्वरको पृथक भावद्वारा भक्ति उपासना गरेका हुन्छन जो र जसले मलाइ जसरी पुकार गर्छ म त्यसरी नै त्यसको भावको स्वीकार गर्छु म केवल भाव लाई स्वीकार गर्छु बिधानलाई हैन✏










🌄अहं क्रतुरहं यज्ञः स्धाहमहमौषधम् ।
मंत्रोऽहमहमेवाज्यमहमग्निरहं हुतम् ।।✏
🔥(श्रीमद्भागवत गीता अध्याय ९/१६)✒

🌄अर्थात:-सृस्टिमा हुने सम्पुर्ण बिधानको मालिक म नै हु, म भन्दा अलग केहि छैन कोही छैन, म नभएको कोही कार्य, कोही बिधान, कोही संरचना छैन, अर्थात म द्वारा नै सबै कार्य हुन्छ सबै म मा छ तर म सबै भन्दा अलग छु, त्यसैले सृस्टिमा हुने सम्पुर्ण कार्य, क्रिया, क्रतु म नै हूँ, यज्ञ म नै हूँ, स्वधा म नै हूँ, औषधि म नै हूँ, ऋचा तथा मन्त्र म नै हूँ, घृत म नै हूँ, अग्नि म नै हूँ र हवन रूपका सबै क्रिया पनि म नै हूँ✏








🌄पिताहमस्य जगतो माता धाता पितामहः ।
वेद्यं पवित्रमोंकार ऋक्साम यजुरेव च ।।✏
🔥(श्रीमद्भागवत गीता अध्याय ९/१७)✒

🌄अर्थात:-अखिल ब्रह्माण्डमा रहेको सम्पुर्ण जगतमा सूक्ष्म जगत होस या स्थूल जगत होस सम्पूर्ण जगतको धाता अर्थात् धारण गर्ने र कर्मको फललाई प्रदान गर्ने, कर्मको बिधाता, सृस्टिको माता तथा पिता, पितामह, सम्पुर्ण ज्ञानले जान्न योग्य, पवित्र शब्द तथा शब्दशिरोमणी ॐ कार म नै हु, तथा ऋग्वेदमा, सामवेदमा र यजुर्वेदमा भनिएको यी सबै ज्ञान पनि म नै हूँ✏










🌄गतिर्भर्ता प्रभुः साक्षी निवासः शरणं सुहृत् ।
प्रभवः प्रलयः स्थानं निधानं बीजमव्ययम् ।।✏
🔥(श्रीमद्भागवत गीता अध्याय ९/१८)✒

🌄अर्थात:-मनुष्यले प्राप्त गर्ने अन्तिम सत्य, प्राप्त गर्न योग्य परमधाम, सम्पुर्ण प्राणीको शुरुको बिन्दु, सृस्टिको सञ्चालक सबै जगतको स्वामी, सम्पुर्ण कर्म र कर्मफलको विवरण जान्ने, सबै हुने शुभ अशुभ कार्यको दृस्टिगोचर गर्ने, सबै प्राणीलाई भरण पोषण गर्ने र सबै प्राणीलाई सञ्चालन तथा वासस्थान प्रदान गर्ने, प्राप्त गर्नु पर्ने शरण, सबै प्राणीको हित गर्न चाहने तथा सबैको शुभचिन्तक, अखिल ब्रह्माण्ड भित्रको सबै जगत सबै प्राणीको उत्पत्ति-प्रलयको हेतु, स्थितिको आधार, निधान र अविनाशी कारण पनि म नै हूँ✏










🌄तपाम्यहमहं वर्षं निगृह्णाम्युत्सृजामि च ।
अमृतं चैव मृत्युश्च सदसच्चाहमर्जुन ।।✏
🔥(श्रीमद्भागवत गीता अध्याय ९/१९)✒

🌄अर्थात:-सूर्यमा ताप तथा प्रकाश मद्वारा प्रबहित हुन्छ सूर्यको तापद्वारा सबै प्राणी लगाएत बनस्पतिलाई मैले नै तपता हूँ र सबै प्राणीलाई शक्ति प्रदान म द्वारा नै हुन्छ, बादल को विन्यास र वर्षाको आकर्षण गर्ने पनि म नै हो र मद्वारा नै बर्षा हुन्छ । हे अर्जुन ! म नै अमृत र मृत्युको कारण हूँ र सत् असत् को कारण पनि म नै हूँ यी सबै बिधानको बिधाता अर्थात कारण म नै हुँ✏












🌄त्रैविद्या मां सोमपाः पूतपापा यज्ञैरिष्ट्वा स्वर्गतिं प्रार्थयन्ते ।
ते पुण्यमासाद्य सुरेन्द्रलोक-मश्नन्ति दिव्यान्दिवि देवभोगान् ।।✏
🔥(श्रीमद्भागवत गीता अध्याय ९/२०)✒

🌄अर्थात:-वेदमा विधान गरिएको तीन ज्ञान, ति ज्ञानमा भनिएको सकाम कर्मलाई पनि गराउने, सोम रसलाई पनि पिउने र मनुष्यको कल्याणको लागि सोमरस प्रदान गर्ने तथा पाप रहित मनुष्य मलाई यज्ञद्वारा पूजा गरेर स्वर्ग प्राप्तिको कामना गरेर कार्य गरेका हुन्छन, ति सबै कार्य गर्ने मनुष्य आफ्नो कर्मको पुण्य कर्मबाट प्राप्त हुने फलरूप प्रदान गर्ने र स्वर्गलोकलाई प्राप्त गरेर स्वर्गमा दिव्य देवताको साथ प्राप्त हुने आनन्दलाई भोग गरेका हुन्छन । जबसम्म कर्मको कर्मफल रहेको हुन्छ त्यो कार्य पनि म द्वारा नै हुन्छ✏









🌄ते तं भुक्तवा स्वर्गलोकं विशालं क्षीणे पुण्ये मर्त्यलोकं विशन्ति ।
एवं त्रयीधर्ममनुप्रपन्ना गतागतं कामकामा लभन्ते।।✏
🔥(श्रीमद्भागवत गीता अध्याय ९/२१)✒

🌄अर्थात:-जो मनुष्यले स्वर्गको कामना गरेर यज्ञ गरेर प्राप्त गरेको विशाल स्वर्गलोकको सुखलाई भोग गरे पछि पुण्य क्षीण भएपछि मृत्युलोक लाई फेरी प्राप्त गरेका हुन्छन । यस प्रकार स्वर्गमा प्राप्त हुने साधनरूप वेदमा बर्णन गरिएको र वेदमा भनिएको सकाम कर्मको आश्रय लिने सबै मनुष्यको स्वर्ग प्राप्त गरेर पनि आफ्नो सकाम कर्मको कर्मफल सकिए पछि पटक पटक आवागमनलाई प्राप्त गरेका हुन्छन अर्थात् सकाम कर्म गर्ने मनुष्य पुण्य कर्मको प्रभावद्वारा स्वर्गलाई प्राप्त गर्छन र पुण्य क्षीण भएपछि पटक पटक मृत्युलोकलाई प्राप्त गर्छन अर्थात जन्म-मरणको चक्रलाई प्राप्त गर्छन✏










🌄अनन्याश्चिन्तयन्तो मां ये जनाः पर्युपासते ।
तेषां नित्याभियुक्तानां योगक्षेमं वहाम्यहम्।। ✏
🔥(श्रीमद्भागवत गीता अध्याय ९/२२)✒

🌄अर्थात:-जो मनुष्य अनन्य भक्तिभावले प्रेमपुर्बक मलाई नै भज्ने, मेरो नै भक्ति उपासना गर्ने गर्छन र जो भक्तजनहरु म परमेश्वरको निरन्तर चिन्तन गर्दै निष्काम कर्म-भावले मलाई नै पुकार गर्दै आफ्नो कार्य गरेका हुन्छन, ति सबै नित्य-निरन्तर मेरो नै चिन्तन, मनन र लक्ष्य राखेर मेरो भक्ति उपासना गर्ने मनुष्यलाई मैले मोक्ष्य प्रदान गर्दछु✏









🌄येऽप्यन्यदेवता भक्ता यजन्ते श्रद्धयान्विताः।
तेऽपि मामेव कौन्तेय यजन्त्यविधिपूर्वकम् ।। ✏
🔥(श्रीमद्भागवत गीता अध्याय ९/२३)✒

🌄अर्थात:-हे अर्जुन! यद्यपि श्रद्धाद्वारा युक्त जो सकामभक्त अन्य देवतालाई पूजा गरेका हुन्छन, ति सकामभक्तले पनि मलाई नै पूजा गरेका हुन्छन, तर ति सबै सकाम भक्तको देबतालाई पूजा गर्ने पूजन बिधि अविधिपूर्वक रहेको हुन्छ अर्थात् त्यो पूजा गर्ने बिधि अज्ञानपूर्वक र भावरहित गरिएको पूजा बिधि हो✏









🌄अहं हि सर्वयज्ञानां भोक्ता च प्रभुरेव च।
न तु मामभिजानन्ति तत्त्वेनातश्चयवन्ति ते।।✏
🔥(श्रीमद्भागवत गीता अध्याय ९/२४)✒

🌄अर्थात:-सृस्टिमा हुने र भएका सम्पूर्ण यज्ञको भोक्ता पनि म नै हूँ र स्वामी पनि म नै हूँ, म भन्दा अलग कोही र केहि छैन परन्तु ति पूजा गर्ने मनुष्यले म परमेश्वरलाई तत्त्वद्वारा जानेका हुदैनन, त्यसैले सकाम कर्म गर्ने र देबताको पूजा गर्ने सबै मनुष्य प्रकृतिको अधीनलाई प्राप्त गरी स्वर्ग त प्राप्त गरेका हुन्छन तर जून मनुष्य योनि प्राप्त अवस्थामा प्राप्त गर्नु पर्ने मोक्ष्य प्राप्त गर्न सक्दैनन र तल झरेका हुन्छन अर्थात् पटक पटक पुनर्जन्मलाई प्राप्त गरेका हुन्छन✏









🌄यान्ति देवव्रता देवान्पितृन्यान्ति पितृव्रताः ।
भूतानि यान्ति भूतेज्या यान्ति मद्याजिनोऽपि माम् ।।✏
🔥(श्रीमद्भागवत गीता अध्याय ९/२५)✒

🌄अर्थात:-देवतालाई पूज्ने देबभक्तले देवतालाई नै प्राप्त गरेका हुन्छन केहि समयको लागि देबलोकलाई प्राप्त गरेर आफ्नो कर्मफल भोग गरेका हुन्छन पितृलाई पूज्ने पितृभक्तले पितृलोकलाई प्राप्त गरेका हुन्छन केहि समयको लागि पितृलोक प्राप्त गरेर आफ्नो कर्मफल भोग गरेका हुन्छन । भूत (प्राकृतिक बस्तुको आवयव) लाई पूज्ने भूतभक्तहरुले भूतलाई नै प्राप्त गरेका हुन्छन त्यहि अनुसार आफ्नो कर्मफल प्राप्त गरेर भोग गरेका हुन्छन र निराकार, सर्बधार र अब्यक्त मेरो पूजा गर्ने मेरा भक्तले मलाई नै प्राप्त गरेका हुन्छन । त्यसैले मेरो अनन्य भक्ति उपासना गर्ने मेरा भक्तहरु कहिले पनि पुनर्जन्मको चक्रमा पर्दैन, अर्थात जून मनुष्यले जून उद्देश्य लिएर जून जून देबता, पितृ र भूत या अन्य कोही जस जसलाई पूजा गरेको हुन्छ त्यसले त्यहि अवस्थालाई नै प्राप्त गरेको हुन्छ✏








🌄पत्रं पुष्पं फलं तोयं यो मे भक्तया प्रयच्छति ।
तदहं भक्त्युपहृतमश्नामि प्रयतात्मनः ।।✏
🔥(श्रीमद्भागवत गीता अध्याय ९/२३)✒

🌄अर्थात:-अनन्य भक्तिभावले जो कोही भक्त मेरो लागि प्रेमद्वारा पत्र, पुष्प, फल, जल आदि अर्पण गर्दछ, उस शुद्धबुद्धि निष्काम प्रेमी भक्तको प्रेमपूर्वक अर्पण गरिएको त्यो पत्र-पुष्प-फल-जल आदिलाई म सगुणरूप द्वारा प्रकट भएर प्रीति सहित स्वीकार गर्छु✏







🌄यत्करोषि यदश्नासि यज्जुहोषि ददासि यत् ।
यत्तपस्यसि कौन्तेय तत्कुरुष्व मदर्पणम् ।।✏
🔥(श्रीमद्भागवत गीता अध्याय ९/२७)✒

🌄अर्थात:-हे अर्जुन ! तिमीले जून कर्म गर्ने छौ जो बस्तु दैनिक तिमीले प्रयोग गर्नेछौ जो जो प्राकृतिक, ब्यबहारिक र सामाजिक उत्थान लगाएतका जो सात्विक कार्य यज्ञ हवन जो कार्य गरेका हुन्छौ जो जो दान दिएका हुन्छौ र जो जो तप कार्य गरेका हुन्छौ त्यो सबै मलाई नै अर्पण गर्नु✏







🌄शुभाशुभफलैरेवं मोक्ष्यसे कर्मबन्धनैः ।
संन्यासयोगयुक्तात्मा विमुक्तो मामपैष्यसि।।✏
🔥(श्रीमद्भागवत गीता अध्याय ९/२८)✒

🌄अर्थात:-यस प्रकार आफुले गर्ने सात्विक कार्यहरु तथा समस्त कर्महरु सर्बाधार सर्बशक्तिमान भगवान मलाई नै अर्पण हुन्छ यस्तो सन्यास योगले युक्त र चित्तवाला ब्यक्ति शुभाशुभ फलरूप कर्मबन्धनद्वारा बन्ने आबरणद्वारा मुक्त हुन्छ र ति आबरणबाट मुक्त हुने मनुष्य मलाई नै प्राप्त गरेको हुन्छ✏







🌄समोऽहं सर्वभूतेष न मे द्वेष्योऽस्ति न प्रियः ।
ये भजन्ति तु मां भक्त्या मयि ते तेषु चाप्यहम्।।✏
🔥(श्रीमद्भागवत गीता अध्याय ९/२९)✒

🌄अर्थात:-म सबै भूतमा समभावद्वारा व्यापक रहेको हुन्छु । मेरो लागि न कोही अप्रिय रहेको हुन्छ र न कोहि प्रिय नै परन्तु जो भक्त मलाई प्रेमपुर्वक अनन्य भावद्वारा भक्ति, उपासना तथा पुकार गरेको हुन्छ, त्यस्तो भक्त म मा नै रहेको हुन्छ र म पनि त्यस भक्तमा भक्तको लागि प्रत्यक्ष प्रकट रहेको हुन्छु✏








🌄अपि चेत्सुदुराचारो भजते मामनन्यभाक्।
साधुरेव स मन्तव्यः सम्यग्व्यवसितो हि सः।।✏
🔥(श्रीमद्भागवत गीता अध्याय ९/३०)✒

🌄अर्थात:-पूर्व अवस्थामा यदि कोहि अतिशय दुराचारी रहेको ब्यक्तिले आज देखी दुराचारी कार्य छोडेर अनन्य भक्तिभावले मेरो भक्त भएर मलाई पुकार गर्न शुरू गरेको छ भने त्यस्तो ब्यक्ति साधु जस्तै सुद्ध भएको हुन्छ, किनकी त्यस्तो मनुष्य यथार्थ तथा निश्चय सत्य जान्ने ज्ञानी भएको हुन्छ अर्थात् त्यस मनुष्यले राम्ररी दृढ़पुर्वक निश्चय गरेको हुन्छ कि ईश्वरको निर्देशन अनुसार चल्ने र ईश्वरको नाम पुकार गर्ने जस्तो पुण्य कार्य अरु केहि छैन✏









🌄क्षिप्रं भवति धर्मात्मा शश्वच्छान्तिं निगच्छति ।
कौन्तेय प्रति जानीहि न मे भक्तः प्रणश्यति ।।✏
🔥(श्रीमद्भागवत गीता अध्याय ९/३१)✒

🌄अर्थात:-पूर्व अवस्थामा यदि कोहि अतिशय दुराचारी रहेको ब्यक्तिले आज देखी दुराचारी कार्य छोडेर अनन्य भक्तिभावले मेरो भक्त भएर मलाई पुकार गर्न शुरू गरेको छ भने त्यस्तो ब्यक्ति साधु जस्तै शुद्ध भएको हुन्छ, किनकी त्यस्तो मनुष्य यथार्थ तथा निश्चय सत्य जान्ने ज्ञानी भएको हुन्छ✏
🌄सत्य जानेको ब्यक्ति शीघ्र धर्मात्मा हुन पुग्छ र सृस्टि संरचनाको बिधानको परम शान्तिलाई प्राप्त गरेको हुन्छ त्यसैले हे अर्जुन ! तिमीले निश्चयपूर्वक यो सत्य ज्ञान लाई जान, मेरो भक्त बन, मेरो शरणागत होजाऊ, मेरो भक्त कहिले पनि नष्ट हुदैन✏







🌄 मां हि पार्थ व्यापाश्रित्य येऽपि स्युः पापयोनयः ।
स्त्रियो वैश्यास्तथा शूद्रास्तेऽपि यान्ति परां गतिम् ।।✏
🔥(श्रीमद्भागवत गीता अध्याय ९/३२)✒

🌄अर्थात:-हे अर्जुन ! सधै ब्याभिचारी कार्य गर्ने स्त्री, पशु हत्या गरेर ब्यापार गर्ने वैश्य, आफ्नो कार्यमा छलकपट गर्ने शूद्र तथा कर्मच्युत भएका तथा आसुरी कार्य गरेर तथा पाप कर्म गरेर पापयोनि-चाण्डाल यौनि आदि यौनि प्राप्त गरेको जो कोही मनुष्य पनि होस, ति मनुष्यले सत्य जनेर अनन्य भक्तिभाव सँग निराशाक्त भएर जो मेरो शरणागत हुन्छ त्यस मनुष्यले परमगतिलाई प्राप्त गर्छ✏









🌄किं पुनर्ब्राह्मणाः पुण्या भक्ता राजर्षयस्तथा ।
अनित्यमसुखं लोकमिमं प्राप्य भजस्व माम्।।✏
🔥(श्रीमद्भागवत गीता अध्याय ९/३३)✒

🌄अर्थात:-ईश्वर निर्देशित ज्ञान अर्थात वेदले निर्देशन गरे अनुसार सत्विक कार्य गर्ने, सधै र सबै मनुष्यको लागि ईश्वर कृत ज्ञान वेद ज्ञान प्रदान गर्ने, सधै र सबै कार्यमा निराशाक्त भएर कर्म गर्ने महान मनुष्यको बारेमा के बर्णन गर्नु ति सबै मनुष्य कर्मयोगी हुन यी कर्मयोगी त सीधै परमगतिलाई प्राप्त गरेका हुन्छन । सधै सात्विक कार्य गर्ने र निराशाक्त भएर कार्य गर्ने पुण्यशील ब्राह्मण तथा राजर्षिहरु मेरो शरणगत भएर परम गतिलाई प्राप्त गरेका हुन्छन । त्यसैले तिमीले सुखरहित र क्षणभंगुर यस नश्वर मनुष्य शरीरलाई प्राप्त गरेको छ, यही मनुष्य शरीर बाट नै निराशाक्त कर्म गरेर कर्मद्वारा पनि परमगति प्राप्त गर्न सकिन्छ त्यो परमगति लाई प्राप्त गर्ने सुबर्ण अबसरलाई प्रयोग गर मेरो परायण होउ, मेरो शरणागत होऊ र निरन्तर मेरो नै भक्ति उपासना गर, मेरो नै भजन गर✏







🌄मन्मना भवमद्भक्तो मद्याजी मां नमस्कुरु ।
मामेवैष्यसि युक्त्वैवमात्मानं मत्परायणः ।। ✏
🔥(श्रीमद्भागवत गीता अध्याय ९/३४)✒

🌄अर्थात:-मलाई नै सर्बाधार जान, मलाई सर्बशक्तिमान मान, मलाई नै बिधाता मान, मेरो भक्त बन, मेरो भक्ति उपासना तथा पूजा गर, मलाइ नै प्रणाम गर । यस प्रकारले आफ्नो प्रत्येक सात्विक कार्य आफ्नो सम्पुर्ण कर्म मलाई अनन्य भावले समर्पित गर मलाई नै हृदयमा नियुक्त गर र मेरो परायण होऊ मेरो शरणागत होऊ तिमीले मलाई नै प्राप्त गर्ने छौ✏

🌄ॐ तत्सदिति श्रीमद्भगवद्गीतासूपनिषत्सु ब्रह्मविद्यायां योगशास्त्रे श्रीकृष्णार्जुनसंवादे राजविद्याराजगुह्य योगो नाम नवमोऽध्यायः ।।✏

🌄अर्थात:-यस प्रकार उपनिषद, ब्रह्मविद्या तथा योगशास्त्र रूप श्रीमद्भगवद्गीताको श्रीकृष्ण-अर्जुन संवामा रहेको 'राजविद्याराजगुह्ययोग' नामको नबौ अध्याय समाप्त भयो✏